Wednesday, April 13, 2016

Pansina Pud Ko Oi

Didto sa kilid sa dalan
Kung asa ko pirmi nag-atang ug sakyanan
Didto tika una nakita
Nagtindog ug nagtanga-tanga

Didto sa kilid sa dalan
Nipara kog jeep padung trabaho
Nakihuot ko sa mga galinkod
Maong ako kay nakurat sa akong pagtalikod

Hala ka, kay nisakay man pud ka
Nakihuot pud ka sa jeep nga wala na gyuy lugar
Ug sa tanang pwede nimo suksukan
Didto pa jud ka sa akong tapad niplastar

Pansina pud ko oi
Pirting humota ra ba nimo
Di parehas sa uban nga buntag sayo pa
Bahog singot na

Pansina pud ko oi
Ka-hamis ra ba jud sa imong braso
Nga ga-sigeg bangga-bangga sa akong braso

Pansina pud ko oi
Kabalo ko gwapo ra kaau ka para nako
Pero bisan na
Pansina pud ko oi

Didto sa unahan sa may iskina
Nanganaog ang mga tawo
Ug ang nabilin kay kita na lang duha

Didto sa unahan sa pagliko sa jeep
Nilingi ka sa ako ug ikaw kay ningisi

Haskang lipaya gyud nako
Napansin na jud ko
Di na kinahanglan mag-iring-iring
Ug magpaduding

Gipansin ko nimo
Ug bisan bakante na ang jeep
Gitaparan gihapon ko nimo
Makalanay imong pagtan-aw kanako
Makalanay ug maka in love sangatanan

Gipansin ko nimo ug gitutukan
Gitutukan ug kutsilyo ug ni-ingon nga
ihatag nako kanimo ang tanan
Tanan? Tanan tanan jud?
Sadihang gikuha na nimo ang akoang bag
Wa man lang jud ka nilingi ug usab

Pansina pud ko oi
Ikawng kawatan
Pansina pud nga gikawat nimo di lang akoang bag
Apil pa akoang kasingkasing


Charmos ginamos. :p